Radar ဆိုတာ

Radar ဆိုတာ

ဒီတခါတော့ လေယာဉ်ရဲ့ ရေဒါအကြောင်းနဲနဲ တင်ပြခြင်ပါတယ်။ အမေရိကန်၊ ရုရှား၊ တရုပ် နောက်ဆုံးဂျပန်အထိ ကိုယ်ပျောက်တိုက်လေယာဉ်တွေ ခေတ်စားလာချိန်မှာ ဒီလေယာဉ်တွေကိုရေဒါနဲ့ ဖမ်းယူကြည့်လိုမရဘူး ဆိုပါတယ်။ ရေဒါဆိုတာဘာလဲ ဘာကိုကြည့်တာလဲ စသဖြင့် လေ့လာကြတာပေါ့။

ကျနော်တို့အမှောင်ထဲမှာ ဘာမှမမြင်ရရင် ရှေ့ကိုဓါတ်မီးထိုးကြည့်ရသလိုပါဘဲ ရေဒါကလဲ ပျံသန်း‌နေတဲ့လေယာဉ်ရဲ့ရှေ့မှာ ဘာတွေရှိမလဲဆိုတာ ကြည့်ရှုတဲ့ကရိယာပါ။

လေယာဉ်ကနေ လျှပ်စစ်လှိုင်းများ ထုပ်လွှတ်ပြီး အနားမှာရှိတဲ့ အရာဝထ္ထု (object ) များကို ထိမှန်စေပါတယ်။ ထိမှန်ပြီးပြန်ကန်ထွက်လာတဲ့ လျှပ်စစ်သံလိုက် လှိုင်းအမှုံများကို ပြန်လည်ဖမ်းယူပြီး ပုံရိပ်ဖေါ်ကာ ထိုအရာဝတ္ထုကို အမျိုးအစားခွဲခြား သတ်မှတ်တဲ့နည်းပညာပါ။အရာဝတ္ထုရဲ့ပုံသဏ္ဌာန် နဲ့အကွာအဝေးကိုပါသိရှိနိုင်ပါတယ်။ ဥပမာ မြင့်မားတဲ့အဆောက်အဦလား တိမ်လား မုန်တိုင်းလား စသဖြင့်ပေါ့။

RADAR ဆိုတဲ့စကားလုံးဟာ Radio Detection and Ranging ကို ကိုယ်စားပြုပါတယ်။ စတင်တီထွင်သူကတော့ Robert Watson-watt ဆိုသူပါ။ ဒုတိယကမ္ဘာစစ်မှာ ဂျာမန် လေယာဉ်နဲ့ ဒုံးကျည်များကို ထောက်လှမ်းရာမှာ အသုံးပြုခဲ့ပါတယ်။

အဲတုံးတော့ ရန်သူလာနိုင်တဲ့ မြေပြင်နေရာမှာ ရေဒါကို အထိုင်ချတပ်ဆင်ပြီး ကောင်းကင်ကို ရေဒီယိုလျှပ်စစ်လှိုင်းများ ထုတ်လွှတ်ခါ ပြန်ကန်လာတဲ့ သို့မဟုတ် ပဲ့တင်လာတဲ့ ရေဒီယိုလျှပ်စစ်လှိုင်းတွေကို ဖမ်းယူပုံရိပ်ဖေါ်တဲ့နည်းပညာပေါ့။

သုံးတဲ့လှိုင်းအမျိုးအစားက UHF ( ultra high frequency ) ဖြစ်ပါတယ်။ ရေဒါဟာ ( Electro Magnetic Sensor ) လို့ ပြောလို့ရပါတယ်။ သူဟာ သတိပေးခြင်း ( notice )၊လမ်းကြောင်း (track) ရှာခြင်း၊ တည်နေရာသတ်မှတ်ခြင်း(locate) နဲ့အရာဝတ္ထုကို ခွဲခြားသတ်မှတ်ခြင်း(identify different object )တိုကို တပြိုင်ထဲ လုပ်ဆောင်နိုင်ပါတယ်။ ၁၉၃၉ နောက်ပိုင်းမှာ ရေဒါနည်းပညာတွေဟာ ပိုမိုတိုးတက်လာပါတယ်။

ခုပြောချင်တာကတော့ ခရီးသည်တင်လေယာဉ်တွေမှာ တပ်ဆင်တဲ့ရေဒါအကြောင်းပါ။ ယေဘူယျအားဖြင့် လေယာဉ်မှာ တပ်ဆင်အသုံးပြုတဲ့ ရေဒါမှာပါတဲ့အစိတ်အပိုင်းတွေကတော့ အောက်ပါအတိုင်းဖြစ်ပါတယ်။

(၁) Antenna and motor

အင်တင်နာက လျှပ်စစ်သံလိုက်လှိုင်းတွေကို ပစ်လွှတ်ပါတယ်။ အလင်းအလျင်နဲ့ ပစ်လွှတ်တာပါ။နဲ့မော်တာကတော့ အင်တင်နာကို any direction ဘေးဘယ်ညာ နဲ့အပေါ်အောက် လည်ပါတ်နိုင်အောင်လုပ်ဆောင်ပါတယ်။(ပုံမှာကြည့်ပါ)ထုပ်လွှတ်တဲ့လျပ်စစ်သံလိုက်လှိုင်းများကို frequency နဲ့ဖေါ်ပြပါတယ်။ ဥပမာ 1030 mega Hz ၊1030 giga Hz စသဖြင့်ပေါ့။ ပြင်းအားကလဲမြင့်ပါတယ်။

( ၂ ) Transceiver unit

Transceiver ဆိုတဲ့အတိုင်း လျှပ်စစ်သံလိုက်လှိုင်းများကို transmit ထုတ်လွှင့်ခြင်းနဲ့ receive ပြန်လည်ဖမ်းယူခြင်းကို ဆောင်ရွက်ပါတယ်။

( ၃ ) Processing Unit

သူကတော့ ဖမ်းယူရရှိတဲ့ electro magnetic waves များကို processing လုပ်ပါတယ်။ ဒီနောက်မှာတော့ Indicator ခေါ်ဒိုင်ခွက်များပေါ်မှာ ပုံရိပ်ကိုပေါ်စေဖို့ digital format‌ ပြောင်းပြီးပို့ဆောင်ပေးပါတယ်။( ပုံမှာကြည့်ပါ )

လေယာဉ်များမှာ CRT ( cathode ray tube ) ဒိုင်ခွက်တွေ တပ်ဆင်လာကြပြီဖြစ်လို့ပုံရိပ်များကို အရောင်နဲ့ပြသပေးပါတယ်။

( ၄ ) Wave Guide

Wave Guide က လေးထောင့်ပုံသတ္တု ပြွန်ဖြစ်ပြီး လျပ်စစ်သံလိုက် အမှုံများကို အင်တင်နာ နဲ့ transceiver ကြားသယ်ဆောင်ပေးပါတယ် ။နောက်ပိုင်း fiber optic wire များပေါ်လာတော့ သူ့ကိုသိပ်မသုံးကြတော့ပါ။

လေယာဉ်ဟာ လေထဲမှာပျံသန်းနေစဉ် ရေဒါကိုဖွင့်လိုက်တာနဲ့ အင်တင်နာက အားပြင်း လျှပ်စစ်သံလိုက်လှိုင်းများကို ထုတ်လွှတ်ပါတယ်။ တိမ်သို့မဟုတ် အရာဝထ္ထု တခုခုကိုထိပြီးပဲ့တင်ပြန်လာတဲ့ လှိုင်းကို receiver ကဖမ်းယူပြီး အဆင့်ဆင့်ပုံဖေါ်ပါတယ်။

Target ,range ,map, ground စတဲ့ mode တွေ အမျိုးမျိုးကို ပိုင်းလော့ကရွေးချယ် အသုံးပြု နိုင်ပါတယ်။ object ရဲ့ ပုံသဏ္ဌာန်နဲ့ သိပ်သည်းမှုအတိုင်း အရောင် အနုအရင့် ကွဲပြားလို့ လေယာဉ်မှူးဟာ target ရဲ့ အကွာအဝေးနဲ့ ဘယ်နေရာက တိမ်ထူတယ် ပါးတယ်ဆိုတာ ဆုံးဖြတ်နိုင်ပြီး လေယာဉ်ရဲ့အန္တရာယ်ကင်းတဲ့ လမ်းကြောင်းကိုရွေးချယ် မောင်းနှင်နိုင်ပါတယ်။

နောက်ပိုင်းမှာ TAW (Terrin Awareness System )ကိုပါတွဲဖက်အသုံးပြုလာကြလို့ ပိုမိုစိတ်ချရတဲ့လမ်းကြောင်းကိုပါရွေးချယ်နိုင်ပါတယ်။

ယခု တင်ပြခဲ့တာကတော့ယေဘူယျ ဆန်ပေမဲ့ စာဖတ်သူများ နှစ်ခြိုက်ကြလိမ့်မယ် ထင်ပါတယ်။ တိကျတဲ့ အချက်အလက်များနဲ့ ဆက်လက်တင်ပြနိုင်ဖို့ ကြိုးစားနေပါတယ်လို့။

Leave a Reply

Your email address will not be published.