ဂြိုဟ်သားတွေကို မြူဆွယ်ဖို့ ကိုယ်လုံးတီ:ပုံတွေ အာကာသထဲ လွှတ်တင်ထားမယ့် နာဆာ
အာကာသထဲမှာ ဂြိုဟ်သားတွေ ရှိတယ်၊မရှိဘူးဆိုတာကို ခေတ်အဆက်ဆက် သိပ္ပံပညာရှင်တွေအကြား ပဟေဠိဆန်ဆန် ရှိနေခဲ့ကြတာဟာ ယနေ့အထိတိုင်အောင် ဖြစ်ပါတယ်။
ဂြိုဟ်သားတွေ တွေ့တယ်ဆိုတဲ့ ကောလဟာလစကားတွေ၊ ထူးဆန်းတဲ့အရာဝတ္ထုတွေတွေ့တာနဲ့ ဒါတွေဟာ ဂြိုဟ်သားတွေလုပ်တာလို့ သိပ္ပံပညာရှင်တွေကမှတ်ချက်ပေးကြသလို ရုပ်ရှင်ဇာတ်လမ်းတွေကလည်း ဂြိုဟ်သားတွေ တကယ်ရှိ၊မရှိဆိုတဲ့ အရာနဲ့ပတ်သက်ပြီး လူတွေရဲ့ သိလိုစိတ်ကို အမြဲနိုးဆွနေကြပါတယ်။ သိပ္ပံပညာရှင်တွေကလည်း ဂြိုဟ်သားရှာဖွေရေးလုပ်ငန်းတွေကို အမြဲလုပ်ဆောင်နေကြပါတယ်။
ယခုလည်း နာဆာ သိပ္ပံပညာရှင်တွေဟာ ဂြိုဟ်သားတွေကို တွေ့နိုင်ဖို့ ၊ ဂြိုဟ်သားတွေကို ဆွဲဆောင်နိုင်ဖို့ဆိုတဲ့ မျှော်လင့်ချက်နဲ့ ကိုယ်လုံ:တီး လူသားပုံတွေကို အာကာသထဲကို လွှတ်တင်ထားထားဖို့ စီစဉ်နေကြပါတယ်။
ဖော်ပြချက်ထဲမှာတော့ ဒီ ကိုယ်လုံ:တီးပုံတွေကို အသိဉာဏ်ရှိတဲ့ ဂြိုဟ်သားမျိုးနွယ်စုတွေတွေ့တဲ့အခါ ပုံတွေကနေ ဂြိုဟ်သားတွေကို ပြန်လည်တုံ့ပြန်ဖို့ ဖိတ်ခေါ်ချက် တွေလဲ ပါဝင်မှာ ဖြစ်ပါတယ်။
ကိုယ်လုံ:တီး လူသားများရဲ့ ပုံဟာ ဂရပ်ဖစ်ဓါတ်ပုံတော့ မဟုတ်ပါဘူး။ DNA နဲ့ သရုပ်ဖော်ဖန်တီးထားတဲ့ အဝဝာ်မပါတဲ့ အမျိုးသားနဲ့အမျိုးသမီးဟာ ဟယ်လို ဆိုပြီး လက်ကိုဝှေ့ယမ်းနှုတ်ဆက်နေပုံ ဖြစ်ပါတယ်။
နာဆာသိပ္ပံပညာရှင်များဟာ Beacon in the Galaxy (BITG) လို့ခေါ်တဲ့ ပရောဂျက်တစ်ခုရဲ့ တစ်စိတ်တစ်ပိုင်းအဖြစ် အာကာသကို ပို့လွှတ်မဲ့ ကိုယ်တုံ:လုံး လူပုံများကို ထုတ်ဖော်ပြသခဲ့တာဖြစ်ပါတယ်။ BITG ရောဂျက်ရဲ့ အဓိက ရည်ရွယ်ချက်ကတော့ ဂြိုဟ်သားမျိုးနွယ်စုထံ သတင်းစကားပေးပို့ရန် ဖြစ်ပါတယ်။
ဟယ်လိုဆိုပြီး လက်ကိုဝှေ့ယမ်းနှုတ်ဆက်နေတဲ့ အဝဝာ်မပါတဲ့ အမျိုးသားနဲ့ အမျိုးသမီးပုံကနေ နောက်ဆုံးမှာ ဂြိုဟ်သားတွေနဲ့ ဆက်သွယ်နိုင်ဖို့ ကူညီပေးနိုင်လိမ့်မယ်လို့ သိပ္ပံပညာရှင်များက ယူဆထားပါတယ်။
သိပ္ပံပညာရှင်များဟာ ကိုယ်လုံးတီ: လူပုံတွေနဲ့အတူ ကွန်ပျူတာကုဒ် စာသားတွေကိုလည်း ပေါင်းထည့်ပြီး အာကာသကို လွှတ်တင်မှာ ဖြစ်ပါတယ်။ ကွန်ပျူတာကုဒ် စာသားတွေကို ဂြိုဟ်သားတွေ နားလည်နိုင်ဖွယ်ရှိတယ်လို့ ယူဆထားတာကြောင့်ဖြစ်ပါတယ်။
ကိုယ်လုံ:တီးလူသားတွေရဲ့ သရုပ်ဖော်ပုံတွေကို အာကာသထဲကို ပို့လွှတ်တဲ့ အယူအဆဟာ အသစ်အဆန်းတော့ မဟုတ်ပါဘူး။ ၁၉၇၂ ခုနှစ်က Pioneer 10 နဲ့ ၁၉၇၃ ခုနှစ်က Pioneer 11 မစ်ရှင်များကနေ အာကာသကို ပို့လွှတ်ခဲ့တဲ့ Pioneer ကဗ္ပည်းပြားမှာလည်း ကိုယ်လုံ:တီး လူသားများရဲ့ ပုံများ ပါရှိပါတယ်။
ကိုယ်လုံ:တီး လူသားပုံတွေကနေ ဂြိုဟ်သားတွေကို တကယ်ပဲ ဆွဲဆောင်နိုင်ပြီး ဂြိုဟ်သားတွေကို တွေ့ရှိနိုင်မလားဆိုတာကတော့ စောင့်ကြည့်ရမှာပဲ ဖြစ်ပါတယ်။
