အပြာရောင်ချော်ရည်များ စီးဆင်းရာ ကမ္ဘာပေါ်က တစ်ခုတည်းသော မီးတောင်

အပြာရောင်ချော်ရည်များ စီးဆင်းရာ ကမ္ဘာပေါ်က တစ်ခုတည်းသော မီးတောင်

အပြာရောင်ချော်ရည် မီးတောင်ကို ကြားဖူးပါသလား။ အလွန်လူနေထူထပ်သော အင်ဒိုနီးရှားနိုင်ငံ ဂျာဗားကျွန်းသို့ ခရီးထွက်ဖြစ်ခဲ့ရင်တော့ အထူးခြားဆုံး ဘူမိဗေဒဆိုင်ရာ ရှုခင်းများထဲမှ တစ်ခုကို မြင်တွေ့ရမည်ဖြစ်သည်။

အင်ဒိုနီးရှားနိုင်ငံရှိ Kawah Ijen မီးတောင်သည် “အပြာရောင်ချော်ရည်များ” ကို ဖြစ်ပေါ်စေသော ဆာလဖာကြောင့် ကမ္ဘာပေါ်ရှိ အခြားမီးတောင်များနှင့် လုံးဝကို ကွဲလွဲနေတာကို မြင်တွေ့နိုင်ပါသည်။

ဤမီးတောင်က အပြာရောင်ချော်ရည်သည် အမှန်တကယ်တော့ ဆာလဖာထွက်ရှိခြင်းကြောင့် ထွက်လာသည့် အပြာရောင်မီး သို့မဟုတ် ဆာလဖာမီးဖြစ်သည်။

၎င်းသည် ချော်ရည်၏ ထင်ယောင်ထင်မှား အသွင်အပြင်ရှိသော လျှပ်စစ်အပြာရောင် မီးတောက်ကဲ့သို့ လောင်ကျွမ်းစေသည်။

Kawah Ijen မီးတောင်၏ ဤဖြစ်စဥ်သည် ကမ္ဘာပေါ်တွင် လူသိအများဆုံးအဖြစ် မှတ်တမ်းတင်ထားသော ကမ္ဘာ့ရှားပါး ဖြစ်စဉ်တစ်ခုလည်းဖြစ်သည်။ အဆိုမီးတောင်မှာ မီးတောက် အပြာတွေက ပုံမှန်လောင်ကျွမ်းနေလေ့ ရှိတာပါ။

ဆာလဖာသည် လေပူနှင့် ထိတွေ့သောအခါ (အပူချိန် 360°C (680°F) အထက်တွင် လောင်ကျွမ်းသည်) ထွက်ပေါ်လာသော မီးတောက်များသည် တောက်ပပြီး အပြာရောင်ဖြစ်သည်။

ချော်ရည်များ အမှန်တကယ် ပြာစေရန်အတွက် အပူချိန်မှာ အနည်းဆုံး 6,000°C (10,830°F) ရှိရန် လိုအပ်ပါသည်။) ဤအပူချိန်ဟာ ကမ္ဘာမြေ မျက်နှာပြင်ပေါ်ရှိ သဘာဝအတိုင်း ဖြစ်လာသော အရာအားလုံးထက် အဆပေါင်းများစွာ ပူပြင်းသည်။

ဤ Kawah Ijen မီးတောင်သည် အင်ဒိုနီးရှားနိုင်ငံ အရှေ့ဂျာဗားရှိ ပေါင်းစပ်မီးတောင် အုပ်စုတစ်စု၏ မီးတောင်တစ်ခုဖြစ်သည်။

၎င်းသည် ၎င်း၏ အပြာရောင်မီး၊ အက်စစ်ဓာတ်ရှိသော မီးတောင်ကြားရှိ ရေကန်နှင့် လုပ်သားအသုံးများသော ဆာလဖာတူးဖော်ခြင်းများကြောင့် ကမ္ဘာတစ်ဝှမ်းတွင် အထူး ကျော်ကြားသည်။

Kawah Ijen သည် ကီလိုမီတာ (၁၂) မိုင်ခန့် ကျယ်ဝန်းသည်။ Ijen သည် Gunung Merapi ၏ အနောက်ဘက်တွင် ရှိပြီး အကျယ် တစ်ကီလိုမီတာ သို့မဟုတ် ၀.၆ မိုင်ကျယ်သော turquoise-color အက်စစ်မီးတောင်ကြားရှိ ရေကန်တစ်ခုရှိသည်။

ဤရေကန်သည် ကမ္ဘာပေါ်တွင် အက်စစ်ဓာတ်အများဆုံး မီးတောင်ရေကန် တစ်ခုအဖြစ်လည်း အသိအမှတ်ပြုခံထားရသည်။

မီးတောင်ရှိ ဆာလဖာသည် အပူချိန်နိမ့်ကျမှုနှင့် လေထုဖိအားများနှင့် ကြုံတွေ့ရသောအခါတွင် လောင်ကျွမ်းကာ အပြာရောင် မီးတောက်များအဖြစ် လေထဲသို့ ၅ မီတာ သို့မဟုတ် ၁၆ ပေအထိ ပန်းထွက် မြင့်တက်လာနိုင်သည်။

ဆာလဖာသည် အရည်ပျော်သွားပြီး တခါတရံ မီးတောက်များနှင့်အတူ မီးတောင်၏ မျက်နှာပေါ်သို့ စီးဆင်းသွားသည်။

ဤသည်မှာ မီးတောင်ပေါ်မှ အပြာရောင်ချော်ရည်များ စီးဆင်းနေသည့် မြင်ကွင်းကို ဖန်တီးနေသည့် ရင်သပ်ရှုမောဖွယ် မြင်ကွင်းတစ်ခုကို ဖြစ်ပေါ်စေသည်။

ယခုလို အပြာရောင် ချော်ရည်တွေ ထွက်ပေါ်သည့် ကမ္ဘာပေါ်က တစ်ခုတည်းသော Kawah Ijen မီးတောင်က ချော်ရည်ပြာတွေကို နေ့ဘက်ရော၊ ညဘက်မှာပါ မြင်တွေ့နိုင်ပေမဲ့ အပြာရောင် မီးတောက်တွေကိုတော့ ညဘက်မှာပဲ မြင်တွေ့ရမှာဖြစ်ပါတယ်။

Knight News Team